Memoarkonferansen 2026

Memoarkonferansen 2026:

Invitasjon til å presentere:

Migrasjon - utvandring, innvandring og tilbakevandirng - har sett sterkt preg på norsk historie og samtidskultur. Memoarkonferansen 2026 blir eit djupdykk i historier om korleis dette har skjedd og kva for effektar det har hatt. Vi vil gjerne ha kontakt med alle som kan bidra til dette gjennom å halde foredrag, delta i panelsamtale eller framføre eit munnleg forteljing.

Vi planlegger eit program med denne tematiske inndelinga: 

Skriv nokre ord om din presentajonsidé snarast råd og send til post@memoar.no

Memoarkonferansen 2026 - Migrasjonsminne

Norsk ordskifte om migrasjon er tradisjonelt positivt lada når det gjeld utvandring, og negativt lada når det gjeld innvandring. “Den andre sida” har vore underkommunisert, i begge tilfelle. Historier om utvandraren som ikkje vart rik og lukkeleg har vore skambelagt, og historier om innvandraren som ikkje kom frå svolt og krig, ikkje er takksam og ikkje ynskjer å bli assimilert, er provoserande. 

I løpet av Utvandrarjubileets minneinnsamling “Migrasjonsminne” har over tre hundre personar blitt djupintervjua om eiga og tidlegare generasjonar migrasjonshistorie. Med ei handfull unntak har alle intervju blitt gjort i Noreg. Kjeldene til utvandringshistoria har vore etterkomarar i slekter med stor utvandring og tilbakevandring, personar med norske røter som sjølve har vandra tilbake, personar som sjølve har vandra ut og tilbake, og turistar på jakt etter sine røter i Noreg. Kjeldene til innvandringshistoria har vore fyrste generasjons innvandrarar, andre generasjon og nokre tilfelle av tredje generasjon, som regel i seriar laga saman med diasporaorganisasjonar eller meir uformelle diasporanettverk. 

Varig verdi 

Så godt som alt det innsamla materialet vil bli langtidsarkivert og tilgjengeleggjort av akrivverket. Vi er overtydde om at desse ytringane både har verdi i ordskiftet i dag, og at dei vil ha aukande verdi som historisk kjeldemateriale. 

Konferansen vil synleggjere ytringane betre, og slik løfte dei fram. Planen er også at høgdepunkt frå konferansen og frå minnesamlinga skal publiserast i bokform etterpå.

I samarbeid med LokalhistoriWiki skal også heile Migrasjonsminnesamlinga og formidlingsmaterialet som blir laga etterpå tilgjengeleggjerast der,  

Tidlegare Memoarkonferansar har alle vore i Bergen. Denne gongen har vi bestemt å arrangere konferansen i Oslo,  fyrst og fremst for å styrke synleggjeringa og for å styrke forholdet til LokalhistoriWiki, Kulturvernforbundet og andre nasjonale aktøra.

Referat frå arr. komitéen:

Med unntak av perioden Bergen off. Bibliotek var under oppussing, har konferansen alltid foregått i Biblioteket. Det er både ein god tradisjon og ei understreking av det prinsipp at munnleg historie er for alle:  Alle har ei forteljing å dele - alle har ein mikroversjon av den store forteljinga om den historiske epoken dei har levd gjennom.